الوحده في بدايه حياتا الزوجيه بتكون استايل كده وحلاتا وجسمها لسه سمبتيك ولسه بتسمع
جنات شويه كده تدخل
مرحله الوحم اللون يبقي رمادي والشعر يبهت والكريمات ديلك تكجنهم براها وتكره ريحه العطور وتاني
(الشباشب امات سيور) ديل مابدخلن في كراعك بقت كراع بعدما كانت (رجل)
وبعدها تبدا مرحله البيبي الجديد ماناقشه
واي استفرغ واي مالو نطط عيونو كده والصدر طبعا بياخد مقاس تاني ببقي (...)
وفي الفتره دي غايتو كان نسابتك وكان ناس امك بساعدوك لانك بكريه وكده ويمكن خايفين علي شافعهم
دا منك الله اعلم في الفتره دي علاقتك بالحنه والدخان بتبقي زي
علاقه كمال كيلا بالغناء اللهم كل مناسبه بتجري الكوفير( تتشخبتي) نظام انا مجيه وال(الكراع)
من تحت فاااضيه وتعمل مكياج اووفر والوش المرهق دا ماتخلي ليها
كنتور وفي النهايه ترسم ليها ابتسامه صفراء كده وتطلع زي باربي والعيل يكون
اتعلم الجري وتدخلي مرحله (المساسكه) الفتره دي بتمتاز بي جري شديد ونشاف في الريق وحتي (شلاليفك)
الكانت شفايف ح تبقي رهيفه و وبتحصل فيها الدقسه بي الحمل ا
لتاني وانتي كده تكوني دخلتي مرحله ( طششان الشبكه )
والبشوفك في الفتره دي بيعتقد انك جايه من الصومال كداري
طبعا مستغربين ماجبتا ليكم سيره الراجل لانو الفتره دي انتي
مافاضيه ليهو ولاعندك زمن وتستمر الحياه هكذا لاحدي ما
تفهمي حاجه والعيال يكبرو حبه تخشي قروبأت وتكتبي ياجماعه دايره لي كريم يعمل كده ولوني بقي
كده دي مرحله (دخول الشبكه)
ولو نزلتي بوست لقيت راجلي بتكلم مع وحده في الواتساب انتي كده ميه ميه شبكتك جمعت فل الفل
ومرحبا بكي زين عالم شين