مستلزمات العروسه من ارياح ومكياجات

[ندعوك للتسجيل في المنتدى أو التعريف بنفسك لمعاينة هذا الرابط]

الموضوع ده مخصوص ل شقاوة انثى
سألتنى على الخاص عن مستلزمات العروسه من المكياجات والبرفانات
فقلت اعملها موضوع بما انى اتاخرت عليها فى الرد

هى كانت طالبه هديه لبنت عمها فى حدود 400 ج

اولا بالنسبه للبرفانات :

فى من ايفون او من اوريفليم بس خلينا فى ايفون ارخص ومناسبه لميزانيتك ومنتجاتها برضه نضيفه هاتى 2 زجاجة برفان الزجاجة فى حدود 60 ج ( انتى تابعى عروض اللشركه وهاتى لما الاسعار تكون رخيصه
ممكن تجيبى ليتل بلاك مناسبه اوى للنهار وحلوه اوى فى الصيف عامة
فى برفان تانى اسمه انكانديسينس هادى ومناسب للسهرات فى الليل يعنى
وفى برفان تانى مناسب لفصل الشتاء اسمه اروماديسياك ويستحسن لفترة الليل
وبرفان فاراواى جولد حلو برضه لفصل الشتاء
( طبعا بتسألى نفسك ايه اللى انا بقوله ده صيف وشتا بصوا يا قمرات
فى الصيف احنا بنعرق والجو بيبقه حر ومع سخونية الجو والعرق ممكن البرفان يتغير عطره للاسوء وفعلا ده اللى بيحصل
انما فى الشتا البرفانات التقيله بتنفع علشان ريحتها مش هيتغير لاننا نادرا ما بنعرق والجو نفسه بارد ونتحمل العطور التقيله)

_ و 4 انواع اسبراى ( 2 عطر اسبراى و 2 مزيل عرق اسبراى )

وبالنسبه للمكياجات :

. كريم اساس من فلورمار او اماندا او ايفون او سيبيل مناسب للون بشرتها وخلى بالك لو بشرتها دهنيه هاتى الكريم مكتوب عليه اويل فرى ( خالى من الزيوت )
فى حدود 50 ج

. بودره مضغوطه ( بلاش البودره المائيه ) هاتى برضه لون مناسب للون بشرتها
من ماركة فلورمار او اماندا او ايفون او سيبيل
والبودره دى ممكن نحطها باسفنجه ناشفه او باسفنجه مبلوله وبرضه فى حدود 50 ج
ولو البشره دهنيه يفضل لوس بودر بودره سايبه من فلورمار

. 2 علبة روجاجو ( بلاشر ) لون فوشيا و لون خوخى العلبه فى حدود 15 ج يعنى العلبتين ب 30 ج من نفس الماركات اللى فاتت

. علبة ايشادو صغيره هيبقه موجود فيها كل اساسيات الالوان العلبه فى حدود 40 ج من نفس الماركات اللى قولت عليها فى البودره وكريم الاساس

. قلم كحل وماسكار من فلورمار ولازم يبقوا ووتر بروف القلم الكحل ب 20 والمماسكارا ب 40 ج

. روج ( احمر شفاه ) 4 اصابع الوان مختلفه تليق على لون البشره الواحد فى حدود 15 ج

[ندعوك للتسجيل في المنتدى أو التعريف بنفسك لمعاينة هذا الرابط]