كيف تقعدي للدخان بالطريقه صاح( للعروس)

كيف تقعدي بطريقه صاح للدخان:

اولا العايز تعمل بالكلام ده لازم تعمل بيه كله مش تشيل جزء وتقول لا انا
حاضيف كريم وكده لا لو اتبعتي البوست ده كله صدقيني ماحتحتاجي كريمات وتنبيه الجمال
مافي فتح اللون والبياض لا الجمال في نضارة البشرة ونضافتها وريحتها وكل ماكنتي بسيطه حتكوني
احلي في نظر زوجك مش الناس لا زوجك الحيتقفل عليكم با واحد معاه مش مع الناس فاهتمي بنفسك
عشان تعجبيه دايما مش لمن توقفي الكريم او في فترة الحمل تجي تتبهدلي او عشان الكريم مأتوفر لا خليك دايما جميله في نظره
لو في صحتك او في مرضك او فاضيه او مشغوله

كيف تقعدي للدخان بالطريقه صاح( للعروس) 1948698223

كيف تقعدي للدخان بالطريقه صاح( للعروس) 1948698223

بسم الله نبدا

1-اول حاجه طبعا انتي حتكوني نضفتي جسمك بالعروكه او بتلخلطات الطبيعيه او بالحمام المغربي قبل اسبوع من الدخان
(ماتشيلي شعر جسمك نهائي الا قريب العرس)

2-يوم الدخان نفسه تستحمي بالصابون كويس وتحكي بطن رجولك بالحجر

3-خلاص تلبسي جلباب او بجامه قطنيه يكون لونها يستحمل وتلبسي الملابس الداخليه المخصصه

4-يلا اول ماتقعدي تتمسحي كلك بالدهن لو مافي زيت زيتون او سمسم فقط لا غير والدهن افضل تمسحي جسمك شدييييييد
وضهرك وب اصابعك وبطن رجولك

5- تلبسي الشمله وتقعدي في دخان بارد ويكون شاف صافي كان مبلول في مويه بس ولا زم بارد
ولازم مع الشمله يكون في حاجه تاني عشان لمن الدخان يطلع كتير تختيها من فوق

6-وانتي قاعده ماتتملمي كتير وتتحركي عشان الدخان يشيل ومايجي في عيونك

7-اول مرة اقعدي نص ساعه كل مايسخن كلمي المعاك يبردوهو ليك وماتنتظري يسخن
لمن تحسي قرب ولمن يجو يبردوه ماتتكشفي للهوا خليك في محللك بس حركي رجولك من الحفرة

8- ماتشربي اثناء الدخان

9- مجرد ماتخلصي ماتقومي طوالي لا خليك في محلك وغطي الحفرة لحدي ماتحسي جسمك نشف من العرق
بعداك وانتي قاعده البسي هدومك ومن فوق ليها التوب طوالي وماتلبسي الشراب والجونتي طوالي لا خليهم

10-يلا قمتي قومي ارقدي طوالي في اقرب سرير اخدي راحتك وبعدها شويه اشربي عصير او حليب دافي ما بارد
وبعد خلاص العرق وقف وحسيتي بي روحك ارتحتي
امسحي الخلطه دي

/فازلين+جلسرين+استرال+جليسوليد+لوزمر +زيت زيتون/مسحي جسمك كله

عارفاك حتقولي لي الجلسرين بطلع لي الدخان حاقول ليك لا معلومه الدخان البكون مطبق شدييد
ماحلو ومابنضف ولمن يقرب العرس بكون فيه اثر في الجسم ولونك بكون مصفر وماحلو الدخان
البنزل براه حلو وبنضف وعن ثقه بس من غير ماتطلعيه انتي

11- وبعد اتمسحتي انتظري شويه والبسي جونتاتك وشراباتك علي فكرة
طالما انتي في البيت براك في الغرفه حاولي ماتلبسيهم حتي واناي نايمه احسن ليك ولي جسمك

12-لو حسيتي جسمك شداك اتمسحي طوالي بالفازلين الطبي طوالي
***واذا جسمك حسيتي انو حرقك يعني عايزة تحكيه اوعك طوالي تمشي تمسحيه بالزبادي والكستر باردين يكونو ****
لو حسيتي الحكايه زايده طوالي علي الصيدليه جيبي سودو كريم او كيناكومب او اسالي الصيدلي
وامسحي بيه جسمك وتاني يوم لة طلعت حبوب صغيره زي الحمو نيل وقفيه وامسحي الزبادي بالكستر
وبعداك المرهم لو حسيتي انه هديتي اقعدي باليل في دخان بارد شديد ومسحي جسمك كويس واستمري

13- اما لو حسيتي انها حبوب وشايله مويه طوالي وقفي وامشي الدكتور

14-يلا حسيتي بي نفسك كويسه ادخني واستمري في الشاف اسبوعين وبعدهم شويه شويه
يختو لي طلحه يعني كل يوم يزيدو ليك العدد لحديمالحفرة تبقي كلها طلح وطبعا بعد الاسبوعين
السخانه تزيد بالتدريج وبعد 3اسابيع تحاولي تقلعي الجزء الاسفل من الملابس الداخليه فقط يعني
بتاع الصدر ماتقلعي نهايئي عمرك كله هئ هئ وش خجلان مامشكلة

15- ارجوك بعد كله وضوء تتمسحي بالخلطة بتاعت الفازلين
وعليك الله مايقولو ليك هبيل ولا صباغ ولا طلح شنو ادخني بالطلح بس وطبعا
الشاف اول ايام اي هو بسود لكن ما انتي بسود البدخنه بيه عادي وطوالي

16- طيب حتقولي لي وشي بسود في الدخان لا هو مابسود لكن بعمل طبقه الحل شنووووو
قبل ماتقعدي امسحي وشك بي شوفان معجون بالمويه كماسك

17-وانتي قاعده فكي شعرك وماتعملي منكير

18-التحصين مهم وما تقعدي تتكشفي للناس عارفاك فرحانه وش فاهمك هههههه

19-دايما حاولي ادخني بالليل او الصباح بدري

20-ماتدلكي الدخان ولا تهبشي بيدك ولا تقربي للصابون

21-ماتقعدي بي اكسسوار

22-ماتمسحي كريم في وشك اثناء الدخان اعملي ماسك

علي فكرة الدخان ابسط من ما انت فاكرين بلاش الحاجات الكتيرة والكريمات وفلانه قالت وعلانه الكريم سوا ليها

XCFGC1

» كيف تقعدي للدخان بالطريقه صاح
» برنامج متكامل للعروس (الحبسة)
» احدث اشكال احذية زفاف للعروس
» كريم استيلا للدخان
» خلطة لون المنقا للدخان